जर्मनीचा पहिला दौरा थेट भारतात, बघूया कोणकोणते करार झाले.

🇮🇳🤝🇩🇪 जर्मनीचा पहिला दौरा थेट भारतात, बघूया कोणकोणते करार झाले.

अहमदाबाद | 12 जानेवारी 2026

भारत आणि जर्मनी यांच्यात आज महत्त्वाचे द्विपक्षीय करार करण्यात आले. पंतप्रधान नरेंद्र मोदी आणि जर्मनीचे चांसलर फ्रेडरिक मर्ज यांच्यात झालेल्या उच्चस्तरीय बैठकीनंतर संरक्षण, व्यापार, तंत्रज्ञान, हरित ऊर्जा आणि सुरक्षा सहकार्य मजबूत करण्यावर दोन्ही देशांनी एकमत दर्शवले.
या भेटीत भारत–जर्मनी धोरणात्मक भागीदारीला नवी दिशा देणाऱ्या अनेक समझोता करारांवर (MoUs) स्वाक्षऱ्या करण्यात आल्या.

🔹 संरक्षण क्षेत्रात मोठी डील : भारत आणि जर्मनी यांच्यातील चर्चेत अत्याधुनिक पनडुब्बी (Submarine) प्रकल्प केंद्रस्थानी राहिला. सुमारे 8 अब्ज डॉलर (₹65,000 कोटींपेक्षा अधिक) किमतीच्या या संरक्षण कराराअंतर्गत भारतातच जर्मन तंत्रज्ञानाच्या मदतीने 6 स्टील्थ पनडुब्बी बांधण्याचा प्रस्ताव आहे. या करारामुळे भारतीय नौदलाची ताकद लक्षणीयरीत्या वाढणार आहे.

🔹 भारत–EU मुक्त व्यापार कराराला गती : जर्मनीने भारत आणि युरोपियन युनियन (EU) यांच्यातील मुक्त व्यापार करार (FTA) लवकर पूर्ण होण्याबाबत सकारात्मक संकेत दिले आहेत. हा करार पूर्ण झाल्यास भारतीय उद्योग, निर्यात आणि गुंतवणुकीस मोठा फायदा होणार आहे.

🔹 व्यापार आणि गुंतवणुकीवर भर : सध्या भारत–जर्मनी द्विपक्षीय व्यापार 50 अब्ज डॉलर्सच्या पुढे असून, भारतात 2000 हून अधिक जर्मन कंपन्या कार्यरत आहेत. दोन्ही देशांनी उत्पादन, स्टार्टअप्स, ऑटोमोबाईल, सेमीकंडक्टर आणि डिजिटल तंत्रज्ञान क्षेत्रात सहकार्य वाढवण्याचा निर्णय घेतला.

🔹 हरित ऊर्जा व ग्रीन हायड्रोजन : भारत आणि जर्मनी ग्रीन हायड्रोजन, नवीकरणीय ऊर्जा आणि हवामान बदल या विषयांवर संयुक्त प्रकल्प राबवणार आहेत. पंतप्रधान मोदी यांनी या सहकार्याला “भविष्यासाठी गेम-चेंजर” असे संबोधले.

🔹 धोरणात्मक संदेश : या करारांमुळे आशिया–युरोप भागात भारताची भूमिका अधिक मजबूत होणार असून, चीन व इतर जागतिक घडामोडींच्या पार्श्वभूमीवर भारत–जर्मनी सुरक्षा सहकार्याला विशेष महत्त्व प्राप्त झाले आहे.